Норвегия шетелдіктер үшін карантин талаптарын алып тастады

None
None
НҰР-СҰЛТАН. ҚазАқпарат – Бүгіннен бастап Норвегия үкіметі шетелдіктер үшін карантин талаптарын алып тастады. Бұл туралы Қазақстанда коронавирустың таралуына жол бермеу жөніндегі ведомствоаралық комиссияның Telegram-каналында айтылды, деп хабарлайды ҚазАқпарат.

Халықаралық валюта қоры пандемия жағдайында экономикалық даму болжамдарын жариялады. Сарапшылар «омикрон» штамынан аурудың артуына байланысты 2022 жылға арналған сценарийді жағымсыз жағына қарай өзгертті. Әлемдік экономиканың қарқыны 4,4% құрайды, бұл өткен жылмен салыстырғанда 0,5% төмен, деп мәлімдеді ХВҚ басқарушы директорының орынбасары Гита Гопинат.

Коронавирустың «Омикрон» штамының тез таралуы көптеген елдерде адамдардың қозғалысына шектеулердің қайта басталуына әкеліп соқты және жұмыс күшінің жетіспеушілігін арттырды», - деді Гопинат.

ХВҚ мәліметтері бойынша, табысы төмен елдерде қазір халықтың тек 4% вирусқа қарсы егілді, ал табысы жоғары елдерде – 70 %. Алайда, сарапшының айтуынша, «омикрон» 2022 жылдың бірінші тоқсанында экономикалық белсенділікті тежейді, екінші тоқсанда оның әсері онша сезілмейді.

Бүгіннен бастап Норвегия үкіметі шетелдіктер үшін карантиндік шараларды алып тастады. Яғни, елге кіретіндердің барлығына 10 күндік оқшаулануда міндетті болу талабы жойылды.

«Біз Норвегияның қоғамдық денсаулық сақтау институтының ұсынысын орындаймыз. Инфекциялық бақылау себептері бойынша карантин енді қажет деп саналмайды. Талап 26 қаңтарда сағат 12:00-ден басталады», - делінген Норвегия үкіметінің хабарламасында. Норвегияда мақұлданған вакциналармен егілген немесе коронавирустан сауыққандығы туралы сертификаты жоқ кез келген адам карантинді сақтауы керек болатын. Бұл ретте елге келушілер әлі де кірер алдында тіркелуге және тест тапсыруға міндетті болады.


Соңғы жаңалықтар