Непалда көшкін жүруі салдарынан 15 адам қаза тапты

АСТАНА. ҚазАқпарат - Непалда көшкін жүруі салдарынан 15 адам қаза тапты. Бұл туралы Hindu газеті хабарлайды.

Непалдың ішкі істер министрлігінің ақпараты бойынша, 11 адам Лумле кентінде және тағы төртеуі Дудхе кентінде қаза тапқан. Екі елді мекен таулы аймақта, Непал астанасы Катманду қаласынан батысқа қарай 200 шақырым жерде орналасқан, деп хабарлайды ТАСС.

Құтқарушылар оқиға орнында жұмысқа кірісті.

Қазіргі кезде Непал мен Үндістанның көптеген бөлігінде жаңбыр маусымы жүріп, соның салдарынан тауда үнемі көшкін жүріп жатыр.