+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Неміс компаниясы Қазақстанда ауылшаруашылық техникасын шығаратын зауыт ашады

2020 жылғы 29 тамыз 09:18
Бөлісіңіз:
Неміс компаниясы Қазақстанда ауылшаруашылық техникасын шығаратын зауыт ашады

НҰР-СҰЛТАН. ҚазАқпарат - ҚР Индустрия және инфрақұрылымдық даму министрлігі әлемдегі ірі ауылшаруашылығы техникасын өндірушілердің бірі «CLAAS» неміс компаниясымен өнеркәсіптік құрастыру туралы келісімге қол қойды, деп хабарлайды ҚазАқпарат.

Ұқсас жаңалықтар
Қазақстан өсімдік өсірушілерінің алғашқы республикалық слеті өтті Ауыл шаруашылығы министрі биылғы астық түсіміне болжам жасады Қуаңшылықта Маңғыстау мен Қызылорда облыстарына қандай көмек көрсетілді

Қазақстан мен Германияның өнеркәсіптік кооперациясын құруға Мемлекет басшысы 2019 жылғы желтоқсанда ГФР-ға сапарының аясында «CLAAS Group» компаниясының Бақылау кеңесінің төрағасы К.Клаас-Мюльхойзермен кездесуі барысында бастамашылық етті. Сапардың қорытындысы бойынша германдық бизнеспен жұмыс істеу үшін ҚР Премьер-Министрінің Орынбасары Роман Склярдың басшылығымен арнайы жұмыс тобы құрылды. ҚР аумағында ауыл шаруашылығы машиналарын өндіруді ұйымдастыру жөніндегі жобаны пысықтауды ҚР СІМ Инвестициялар жөніндегі комитеті, ГФР-дағы ҚР Елшілігі, «Kazakh Invest» ҰК« АҚ және ҚР Ауыл шаруашылығы министрлігі жүргізді.


CLAAS - әлемдік ауылшаруашылық техникасының флагманы және еуропалық ауылшаруашылық техникасының ең ірі өндірушісі. Әйгілі неміс компаниясының Қазақстанға кіруі бұрыннан қол жетімді жоғары өнімді техникаға мұқтаж болған барлық отандық аграрлық қызметкерлер үшін маңызды оқиға болып табылады.

Пандемияның қазіргі жағдайын ескере отырып, Келісімге қол қою бейнебайланыс арқылы жүзеге асырылды. Министрліктің атынан құжатқа вице-министр Аманияз Ержанов, Германия тарапынан Шығыс Еуропа және ТМД елдері бойынша өңірлік директор Др. Нильс Ройч бұрыштама қойды.


CLAAS зауыты Солтүстік Қазақстан облысында орналасады. Мамандандырылған жабдықты орнату мен техникалық қызметкерлерді дайындауды қоса алғанда, бірінші кезеңде TUCANO комбайнының өндірісі жолға қойылады.

Жоба Қазақстандағы CLAAS ресми өкілі «СТ-Агро» компаниясымен бірлесіп іске асырылады. Облыс экономикасына салынған инвестицияның көлемі шамамен 3,4 млрд. теңгені құрайды, қаржыландыру көзі «CLAAS» компаниясының меншікті қаражаты болып табылады. Бастапқы кезеңде 200-ге жуық жаңа жұмыс орны құрылады.


«Біз, «CLAAS« компаниясының атынан Қазақстан Үкіметіне, Германиядағы елдің елшілігіне ауыл шаруашылығы машиналарын жасау саласындағы жоспарланған екі жақты жобаны іске асыруға дипломатиялық қолдау көрсеткені үшін өз ризашылығымызды білдіреміз. Біз Қазақстан Республикасында үлкен әлеуетті көріп отырмыз, сондықтан ұзақ мерзімді, табысты және өзара тиімді ынтымақтастық құруды жоспарлап отырмыз», - деп атап өтті Др. Нильс Ройч.


Келісімнің аясында компания компоненттерді оқшаулауды кезең-кезеңмен ұлғайтады, сондай-ақ өндірісті одан әрі дамыту үшін кадрларды техникалық даярлаумен айналысады.

Жобалық қуаттылыққа шыққан кезде кәсіпорын жылына 200 бірлікке дейін ауыл шаруашылығы техникасын (комбайндар, тракторлар және егіс кешендері) шығаратын болады, бұл ҚР машина-трактор паркін жаңарту бойынша жағдайды сапалы түрде жақсартады.

CLAAS-тың Қазақстан аумағында «PÖTTINGER», «LOVOL», «BUHLER», «Ростсельмаш», «Петербург трактор зауыты», «МТЗ», «Гомсельмаш» және басқалары сияқты өндірісті әлемге әйгілі ауыл шаруашылығы техникаларын өндірушілердің тізіміне енуі фермерлердің барлық қажеттіліктерін жаба отырып, импортты алмастыру жөніндегі елдің бағдарламасына толық сәйкес келеді.

Айта кететін жайт, бұл жұмыс Қазақстанның АӨК дамыту бөлігінде мемлекеттің тексерілген индустриялық саясатының есебінен жүргізілді.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT