+7 (701) 759 90 19 Лента
USD 386.77 EUR 427.26
RUB 6.00 CNY 54.56
Jańalyqtar

Неміс инвесторларына қолайлы жағдай жасау мәселелері қарастырылды - ҚР СІМ

2019 жылғы 9 тамыз 21:52
Бөлісіңіз:
Неміс инвесторларына қолайлы жағдай жасау мәселелері қарастырылды - ҚР СІМ

НҰР-СҰЛТАН. ҚазАқпарат – Бүгін Қазақстан Республикасының Сыртқы істер министрі Бейбіт Атамқұлов Германия Федеративтік Республикасының Қазақстандағы Елшісі Тило Клиннерді қабылдады, деп хабарлайды ҚазАқпарат сыртқы саясат ведомоствосының баспасөз қызметіне сілтеме жасап.

Ұқсас жаңалықтар
Къелл Бондевик: Мен үшін  Қасым-Жомарт Тоқаевтың реформалары аса перспективті Жанар Айтжанова Халықаралық электрбайланыс одағының Бас хатшысымен кездесті Қазақстан мен Ресей Сыртқы істер министрлері не жайында сөйлесті

Жүздесу барысында екі жақты сапарлар мен іс-шараларды ең жоғары және жоғары деңгейде ұйымдастыру жоспарлары, оның ішінде сыртқы саяси ведомство басшысының осы айға көзделіп отырған Берлинге сапары қарастырылды.

Тараптар инвестициялық ынтымақтастықты нығайту мәселелерін, бұл үдерістегі Сауда-экономикалық ынтымақтастық жөніндегі үкіметаралық жұмыс тобының, Стратегиялық ынтымақтастық жөніндегі Қазақстан-Германия іскерлік кеңесінің және Берлин Еуразиялық Клубының маңызды рөлін және неміс инвесторларының, соның ішінде шағын және орта бизнес өкілдерінің Қазақстанда жұмыс істеуі үшін қолайлы жағдай жасау мәселелерін талқылады.

Әңгіме барысында гуманитарлық саладағы ынтымақтастық, орта білім беру жүйесінде және неміс тілін оқыту орталықтары желісі арқылы неміс тілін кеңейту, сондай-ақ дуалды білім беру саласындағы ынтымақтастықты одан әрі дамыту мәселелеріне ерекше назар аударылды. Қазақстандағы шамамен 200 000 адамнан тұратын неміс диаспорасы және ГФР-дағы 900 000 «қазақстандық» немістер құрайтын екі ел арасындағы «жанды көпір» бар болғанның зор маңыздылығы атап өтілді.

Германия Қазақстанның ең ірі сауда серіктестері мен инвесторларының бірі болып табылады. 2018 жылдың соңында Қазақстан Республикасы мен Германия арасындағы тауар айналымы 2,1 миллиард АҚШ долларрын құрап, бұл көрсеткіш 2017 жылмен салыстырғанда 10,8%-ға жоғары болды. Соңғы 13 жыл ішінде Германиядан Қазақстанға тартылған тікелей инвестициялар көлемі 8,6 млрд АҚШ долларын құрады. Германиядағы инвестициялардың 90%-ы «шикізаттық емес секторға», соның ішінде шағын және орта бизнес кәсіпорындарын қолдау мен дамытуға бағытталады.

Қазақстанда неміс капиталының қатысуымен 900-ден астам кәсіпорын бар. Олардың арасында «METRO», «KNAUF», «Heidelberg Cement», «BASF», «Linde AG», «CLAAS» сияқты ірі компаниялардың өкілдері және басқалары бар. Өткен жылы ғана «WILO» өндірістік кешені ашылды, оның құрамында консольдық, блоктық және ұңғылы сорғылық жүйелер саласындағы жобалаушылар мен инженерлерді өндіру, сынау және оқыту бойынша жоғары технологиялық орталық, сондай-ақ «OBI» компаниясының құрылыс материалдары мен жабдықтары орталығы бар.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT