Қолданушы баптаулары
Қолданушы баптаулары
+7 (701) 759 90 19 Лента
USD 375.90 EUR 423.56
RUB 5.55 CNY 54.06
Jańalyqtar

Назарбаев ЮНЕСКО халықаралық форумының қатысушыларына үндеу жолдады

2018 жылғы 30 сәуір 15:55 2175
Бөлісіңіз:
Назарбаев ЮНЕСКО халықаралық форумының қатысушыларына үндеу жолдады

ПАРИЖ. ҚазАқпарат - Дүйсенбі күні Парижде ЮНЕСКО-ның штаб-пәтерінде Халықаралық Түркі академиясы ұйымдастырған «Өзгешелік пен мәдени мұраның өркендеуі: Түркі тілінің өткенінен болашағына» халықаралық форумы өз жұмысын бастады, деп хабарлайды «ҚазАқпарат» ХАА тілшісі.

Франциядағы ҚР Төтенше және Өкілетті Елшісі, Қазақстанның ЮНЕСКО жанындағы тұрақты өкілі Жан Ғалиев форумның қатысушыларына Қазақстан Республикасының Президенті Нұрсұлтан Назарбаевтың құттықтау сөзін оқып берді.

«Сіздерді ЮНЕСКО қамқорлығымен өткізіліп жатқан тағы бір халықаралық форумның ашылуымен құттықтауға рұқсат етіңіздер», - делінген құттықттау сөзде.

«Түрлі елдердің ғалымдары мен сарапшылары, тарихшылары мен тіл мамандары қатысып отырған Еуропаның төрінде, Парижде өтіп жатқан жоғары деңгейдегі кездесудің айрықша мәні бар», - делінген Елбасының үндеуінде.

«Әлемдік өркениетке баға жетпес үлес қоса отырып, түркі халықтарының бесігі болған Қазақстан «Мәдени мұра» және «Тарих ағынындағы халық» сияқты маңызды жобаларды іске асырды», - деп атап өтті Қазақстан басшысы өзінің үндеуінде.

«Біз былтыр батырлыққа толы өткенімізді қазіргі шығармашылықпен байланысты қалпына келтіру мақсатында халықтың санасы үшін маңызды болып саналатын «Рухани жаңғыру» бағдарламасын іске асыра бастадық», - деп келтірді Ж.Ғалиев ҚР Президентінің сөзін.

«Осы бағдарламаларды жүзеге асырудың нәтижесінде адамзат болашағының бір бөлігі болып табылатын біздің тарихи және мәдени мұрамыз ғылыми зерттелу ауқымын кеңейтті. Біздің даңқты ата-бабаларымыздан мұраға қалған мәдени құндылықтар халқымызды өздерінің ұлы өткеніндегі сабақтармен байланыстыруда және жарқын болашаққа жол ашуда», - делінген Н.Назарбаевтың құттықтау хатында.

«Біздің бастамамызбен Астанада құрылған Халықаралық түркі академиясы осы бағытта жемісті жұмыстар атқарып жатыр. Бүгінгі форумда Еуразияның бауырлас халықтарының ортақ мұрасы кеңінен насихатталып, мәдениетаралық және халықаралық диалог жаңа серпін алады деп ойлаймын», - деп түйінделген ҚР Президентінің үндеуінде.

Біздің каналымызға жазылыңыз:

Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059
MURAǴAT