18:01, 17 Маусым 2021 | GMT +6
Найзағай, дауыл, бұршақ: 18-19 маусымда елордада күн бұзылады
НҰР-СҰЛТАН. ҚазАқпарат - Нұр-Сұлтанда ауа райының бұзылуына байланысты ескерту жарияланды, деп хабарлайды ҚазАқпарат.
Нұр-Сұлтан қаласының төтенше жағдайлар департаменті шаһар тұрғындарына ескерту жасады.
18 маусым күні «Қазгидромет» РМК деректері бойынша күндіз дауыл тұрады және бұршақ жауады.
18 маусым - күндіз, 19 маусым - тәулік бойы қалада найзағай жарқылдайды.
Оңтүстік-батыстан соғатын жел солтүстік-батысқа ауысады.
Осы екі күн бойы жел екпіні секундына 15-20 метрге жетеді.
19 маусым күндіз ауа температурасы +15 +17 градусқа дейін күрт төмендейді.