+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Наурызда күріш, ұн мен ет өндірушілер бағаны қымбаттатқан

2020 жылғы 6 сәуір 22:08
Бөлісіңіз:
Наурызда күріш, ұн мен ет өндірушілер бағаны қымбаттатқан

НҰР-СҰЛТАН. ҚазАқпарат – Наурыз айында Қазақстанда күріштің бағасы - 2%, қара бидай ұнына - 3,4%, мал еті 2% қымбаттады, деп хабарлайды ҚазАқпарат ҚР Ұлттық экономика министрлігі Статистика комитетіне сілтеме жасап.

«Өнеркәсіп өнімдерін өндіретін кәсіпорындардың бағасы ағымдағы жылғы үш айда (2020 жылғы наурыз айын 2019 жылғы желтоқсанмен салыстырғанда) 1,7% төмендеді. Бағаның кен өндіру өнеркәсібінде - 3,2%, өңдеу өнеркәсібінде 0,5% төмендеуі байқалды. Өнеркәсіптік өнімдер 2,1% арзандады, өнеркәсіптік сипаттағы көрсетілетін қызметтер 2,1% қымбаттады», - делінген ақпаратта.

Статистика комитеті сондай-ақ өткен айда болған баға өзгерісін мәлім етті. Атап айтқанда, наурызда өндіруші кәсіпорындар бағасы мұнайға - 5%, мазутқа - 2,8%, бензинге - 0,7%, дизель отынына 0,3% төмендеді. Ал металл кендеріне - 9,3%, табиғи газға - 1,5%, көмірге 0,3% жоғарылады.

Баға сондай-ақ мырышқа - 7,5%, қара металдар илегіне - 6,4%, мысқа - 3,3%, қорғасынға 2,7% төмендеген. Асыл металдар құны - 2,4%, алюминий 1,4% қымбаттады.

«Өндірушілер бағасының күрішке - 2%, құс етіне - 1%, балыққа 0,6% төмендегені, жармаларға және қара бидай ұнына - 3,4%, мал етіне - 2%, сүт өнімдеріне - 1,9%, өсімдік майына - 1,8%, бидай ұнына - 1,3%, макарон өнімдеріне - 0,9%, шайға - 0,7%, нанға және қантқа 0,5% жоғарылағаны тіркелді», - делінген ақпаратта.


Біздің каналымызға жазылыңыз:

Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT