НаурызChallenge: Қостанайлық жастар ардагерлерге қолғабыс етуде
«Nur Otan» партиясының «Бақытты отбасы» жобасы аясында #НаурызChallenge қайырылымдылық акциясы басталған болатын. Мұндағы мақсат - жақсылық жасауға үндеп, өзгерелерді мейірілімділік танытуға шақыру. Игі істерге шақыратын бастама шеңберінде ел көлемінде түрлі шаралар жүзеге асып, көпшілікке үлгі болуда.
Аталмыш акция аясында Таран ауданында көмекке мұқтаж отбасыға жергілікті кәсіпкер үйдің кілтін тапсырған еді.
Жақсылыққа толы шараны қостанайлық бір топ жас іліп әкетті. Жастар акция аясында соғыс ардагері Фагима Сайбаталованың үйіне барды. Көпті көрген кейуананың жасы бүгінде 94-те. Жүріп-тұруы қиындау. Сол себепті жастар үй ауласын қардан тазартып берді. Ал қалалық мәслихат депутаты Алексей Ефремов азық-түлік қоржынын сыйға тартты.
Сондай-ақ, Қарабалық ауданында да #НаурызChallenge акциясы шеңберінде еріктілер екінші дүниежүзілік соғыс ардагері Михаил Лопатконың үйінде болды. Агротехникалық колледжінің студентері қарт майдангердің үйін қардан тазартты.
Жалпы алғанда, #НаурызChallenge қайырымдылық науқаны кең көлемде қостанайлықтар тарапынан қолдау тапты. «Nur Otan» партиясының өкілдері осындай игі бастамаға қолдау танытатындардың қатары артса дейді. Акцияға қатысу оңай. Әлеуметтік желілелерде отыратын азаматтар #НаурызChallenge хэштегімен суреттер мен бейнематериал жүктесе болғаны. Ал көмекке мұқтаж азаматтардың тізімін «Nur Otan» партиясының қоғамдық қабылдау бөлімінен алуға болады.