+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

НАТО сарапшылары «Қазбат» бітімгершілік батальонының әзірлігін бағалайды

2013 жылғы 22 тамыз 13:06
Бөлісіңіз:
НАТО сарапшылары «Қазбат» бітімгершілік батальонының әзірлігін бағалайды

АСТАНА. 22 тамыз. ҚазАқпарат - Бүгін Алматы облысындағы «Іле» полигонында «Қазбриг» бітімгершілік бригадасының оқу орталығында «Дала қыраны - 2013» халықаралық бітімгершілік оқу-жаттығуының шешуші кезеңі болып өтті. Бұл туралы ҚР Қорғаныс министрлігінің баспасөз қызметінен хабарланды.

Жаттығуға Қазақстан жағынан «Қазбат» бітімгершілік батальоны толық құрамда, «Қазбриг» бітімгершілік бригадасының штабы және Қазақстан Қарулы Күштері Аэроұтқыр әскерлері қолбасшысы басқармасының әскери қызметшілері, Құрлық әскерлері және Әуе қорғанысы күштерінің бөлімшелері қатысты.

Қазақстандық әскери қызметшілер АҚШ, Ұлыбритания, Италия, Литва, Швейцария, Тәжікстан және Қырғызстан қарулы күштерінің бөлімшелерімен бірлесіп, бейбітшілікті қолдау бойынша жүргізілетін операцияларды орындаудағы тәжірибелерін пысықтады.

Оқу-жаттығу барысында «Қазбаттың» жеке құрамы штабтың жұмысын,
сондай-ақ қала орамдарында жаяу патруль жасау, патрульге жасалған шабуылды тойтару және күдікті адамдарды ұстау сияқты іс-қимылдарды көрсетті.

Жаттығудың шешуші кезеңінде әскери қызметшілер мобильді блок-посты жасақтау және оның жұмыс істеу тәртібін ұсынды. Қазақстандық бітімгершілер десант түсіру, әуе көлігімен жаралыларды эвакуациялау, сондай-ақ гуманитарлық жүктерге әуеден қолдау көрсету сияқты іс-қимылдарды жүргізді.

«Дала қыраны - 2013» оқу-жаттығуына қатысушылардың іс-қимылын Испания, Германия және Беларусь Республикасынан келген бақылаушылар бақылады. Олар қазақстандық бітімгершілердің дайындық деңгейіне жоғары баға берді.

Қазақстандық бітімгершілердің Солтүстік Атлантика одағы елдері қарулы күштері бөлімшелерімен бірлескен операциялар кезіндегі өзара іс-қимыл дайындығына бағаны НАТО сарапшылары беретін болады. «Қазбат» бітімгершілік батальоны «Жедел әлеует тұжырымдамасы» бағдарламасының бірінші деңгейі бойынша бағаланатын болады. Бағалаудың ресми нәтижесі сараптамадан соң хабарланады.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT