НАТО Бас хатшысы шұғыл Ауғанстанға барды
Кабулға жасаған сапарының аясында Й.Столтенберг АИР президенті Ашраф Ғанимен, атқарушы биліктің басшысы Абдолла Абдолламен, сондай-ақ Халықаралық қауіпсіздікке жәрдемдесу күштері миссиясының қолбасшылығымен кездесті.
Келіссөздердің қорытындыларын шығару бойынша өткізілген баспасөз мәслихатында НАТО-ның бас хатшысы ауғандық күштердің ағымдағы жылдың желтоқсан айында Солтүстік-атлант альянсының әскери миссиясы аяқталған соң елде тәртіп орнату қызметін өзіне жүктеуге қабілетті екеніне сенімін білдірді.
- Биылғы жылдың соңында ауғандық күштер елдегі қауіпсіздікке толық жауапты болады. Мен олардың осыған дайын екеніне сенімдімін, - деді Й.Столтенберг. «Бүгін мен сіздердің кейбір әскери құрамаларыңызды көрдім, олардың барлығы мені жақсы әсерде қалдырды. Сіздер Ауғанстанды күн сайын қорғап жүрген өздеріңіздегі 350 мың сарбаз бен полицейлермен толықтай мақтана аласыздар», - деп қосып өтті НАТО өкілі.