Нариман Төреғалиевтің Сенаттағы өкілеттігі тоқтатылды

АСТАНА. ҚазАқпарат – Бүгін Сенаттың жалпы отырысында сенатор Нариман Төреғалиевтің өкілеттігі тоқтатылды, деп хабарлайды ҚазАқпарат тілшісі.

ҚР Орталық сайлау комиссиясының мүшесі Асылбек Смағұлов Нариман Төреғалиевтің басқа қызметке ауысуына орай оның депутаттық өкілеттігін мерзімінен бұрын тоқтату туралы ұсынымды жариялады.

Палата отырысында сенаторлар депутаттың өкілеттігін тоқтату жөніндегі қаулы қабылдады.

Бұдан бұрын хабарланғандай, Мемлекет басшысының Жарлығымен Нариман Төреғалиев Батыс Қазақстан облысының әкімі лауазымына тағайындалды.

Фото: senate.parlam.kz