+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Нью-Йоркте түркітілдес диаспора өкілдері бас қосты

2019 жылғы 8 қазан 11:43
Бөлісіңіз:
Нью-Йоркте түркітілдес диаспора өкілдері бас қосты

НЬЮ-ЙОРК. ҚазАқпарат – АҚШ-тың Нью-Йорк қаласында түркітілдес диаспоралар өкілдерінің арасында дөңгелек үстел өтті. Іс-шараны Әзербайжан Республикасы, Түркі кеңесінің Диаспоралық мемлекеттік комитеті ұйымдастырып, оған Қазақстан Республикасы «Отандастар Қоры» КЕАҚ және Дүниежүзі қазақтар қауымдастығы делегациясы қатысты. Бұл туралы ҚазАқпарат «Отандастар қорына» сілтеме жасап хабарлайды.

Атап айтқанда, шараға Түркі Кеңесі Бас хатшысының орынбасары Г.Гозалов, «Отандастар Қоры» КЕАҚ Бірінші вице-президенті Т.Адуов, Әзербайжан Республикасының Диаспорамен жұмыс жөніндегі мемлекеттік комитет төрағасының бірінші орынбасары В.Гаджиев, Қырғыз Республикасының Мемлекеттік көші-қон қызметінің төрағасы Б.Ибрагимжанов, Қазақстан Республикасының Бас консулы Ж.Абдрашов, Түркия Республикасының Бас консулы А.Ақташ және диаспораның орталық мекемелерінің басқа да лауазымды тұлғалары мен АҚШ-та тұратын Түркі кеңесіне мүше мемлекеттер диаспораларының өкілдері қатысты.


Жүздесуде Г.Гозалов қатысушыларға Түрік кеңесіне мүше мемлекеттер арасындағы диаспоралардың ынтымақтастығы туралы хабардар етіп, 2019-2020 жылдары іске асырылуы тиіс шаралар жайында есеп берді. Сонымен қатар Түркі кеңесіне мүше мемлекеттер диаспорасы орталық мекемелерінің лауазымды тұлғалары шетелде тұратын өз


диаспораларымен жұмыс туралы баяндама жасалды. Ал АҚШ-та тұратын Түркі кеңесіне мүше мемлекеттер диаспоралары өкілдері өз қызметі туралы әңгімелеп, тұрақты ынтымақтастықты нығайту және өзара үйлестіру жолдарын талқылады.


Бұдан бөлек, тараптар үйлестірілген, кешенді және тұрақты іс-қимылдарды қамтамасыз ету мақсатында олардың орталық диаспора мекемелері мен диаспоралар өкілдері арасындағы ынтымақтастықты жалғастыруға келісті. Сондай-ақ, Түркі кеңесіне мүше мемлекеттер диаспорасының орталық мекемелері түркітілдес диаспора жастары үшін бірлескен мәдени, білім беру және спорттық іс-шаралар ұйымдастыруға уағдаласты.

Дөңгелек үстелге қатысушылар әйгілі әзербайжан ақыны және Түркі мистикалық ақындарының бірі Имадедин Насимидің 650 жылдығына арналған Миллс театрындағы концертті тамашалады.

Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT