Нью-Йоркте әлемдегі ең қымбат метро стансасы ашылды
Стансаның құрылысына 4 млрд. АҚШ доллары жұмсалған - бұл бастапқыда қарастырылған сомадан екі есе дерлік көп. Forbes журналының атап өтуінше, бұл әлемде осындай құрылыстар үшін рекордтық сома болып табылады. Шыны мен бетоннан жасалған ескерткіш құрылысының сәулетшісі - Испанияның суретші-футуристі Сантьяго Калатрава. Оның идеясы жаңа транзиттік тораптың үстіндегі ғимараттың шатырын үлкен ақ құстың қанатына ұқсас ету болған.
Жаңа көлік торабы метрополитеннің 11 желісін, қала маңындағы пойыз стансасын және Бэттери-саябақтың паромдық өткелін қосып отыр. Сондай-ақ күніне 250 мыңға жуық жолаушыға қызмет ететіні шамалануда. Қала билігінің жоспары бойынша ол Америкадағы ең қолайлы және қауіпсіз стансалардың біріне әрі Манхэттеннің жаңа және өзіндік ерекшелігі бар әдемі орнына айналады.