22:13, 22 Мамыр 2018 | GMT +6
Нью-Йорк қор биржасын 226 жылдан соң алғаш рет әйел басқарады
АСТАНА. ҚазАқпарат - Әлемдегі айналысы аса ауқымды Нью-Йорк қор биржасын 226 жылдан соң әйел - Стейси Каннингэм басқаратын болды.
Сейсенбі күні биржаның баспасөз қызметі оның Томас Фэрлиді ауыстырып, Нью-Йорк қор биржасының 67 президенті атанғандығын мәлім етті.
ТАСС агенттігінің хабарлауынша, соңғы уақытқа дейін Стейси Каннингэм Нью-Йорк қор биржасына кіретін NYSE Group компаниясының басшысы болған.
Нью-Йорк қор биржасы 1792 жылы құрылған. Ал 1975 жылдан бастап 1366 дербес мүшесі бар коммерциялық емескорпорацияға айналды.