Н.Назарбаев: Мұнай бағасы көтерілген соң аспаннан «алтын жауады» деп күту - әбестік

АЛМАТЫ. ҚазАқпарат - Мемлекет басшысы Нұрсұлтан Назарбаев Алматыда өтіп жатқан кеңес барысында мұнай бағасы көтерілген соң да аспаннан алтын жауатынын күту әбестік болатынын жеткізді.

«Экономика созылмалы болады дейді сарапшылар. Ертең-ақ, мұнай бағасы көтеріліп, аспаннан алтын жауады деу - әбестік. Мүмкін бұл дұрыс та шығар. Біз әлемдік нарықтық экономика ахуалында өмір сүріп жатырмыз. Экономикада түрлі толқулар болады. Бұл -қалыпты жағдай», - деді Н.Назарбаев.

Мемлекет басшысының айтуынша, әр дағдарыс жаңа бастауларға жол ашады.

«Жаңа сапаға жетуге, технологияларды дамытуға тырысамыз. Осындай маңызды кезеңнің алдында тұрмыз», - деді Н.Назарбаев.

Айта кету керек, бүгін Мемлекет басшысы Алматыдағы Универсиада нысандарын аралады.