16:50, 01 Шілде 2013 | GMT +6
Н. Назарбаев британ бизнесмендерін Қазақстандағы маңызды бағдарламаларды жүзеге асыруға шақырды
АСТАНА. 1 шілде. ҚазАқпарат - Президент Нұрсұлтан Назарбаев британдық бизнесмендерді Қазақстан экономикасының әр түрлі секторларында қолға алынған маңызды бағдарламаларды жүзеге асыруға шақырды.
«Индустриалды-инновациялық даму бағдарламалары, тұрғын үй құрылысы және инфрақұрылымды дамыту бағдарламалары, білім беру және денсаулық сақтау бағдарламалары әзірленген. Біз сіздерді осындай маңызды бағдарламаларға қатысуға шақырамыз», - деді Президент Ұлыбритания премьері Дэвид Кэмеронмен бірге өткізген брифингте.