Н. Ермекбаев пен Н.Патрушев ШЫҰ мен ҰҚЫҰ аясындағы өзара ықпалдастық мәселелерін талқылады
ТМД елдері өкілдерінің кездесуі барысында халықаралық лаңкестік ұйымдарға қарсы бірлескен іс-қимылдар жүргізу, сондай-ақ ТМД елдері құзыретті органдарының заңсыз көші-қонға қарсы күрес жүргізудегі ынтымақтастық бойынша пікір алмасу өтті.
Н.Ермекбаев шетелдік әріптестермен бірқатар екіжақты кездесулер өткізіп, олармен аймақтық қауіпсіздікті қамтамасыз етудің маңызды проблемаларын талқылады. Тұрақты қазақстандық-ресейлік кеңестердің барысында Қазақстан қауіпсіздік кеңесінің хатшысы ресейлік әріптесі Николай Патрушевпен келіссөздер өткізді.
Тараптар Қазақстан мен Ресейдің ШЫҰ мен ҰҚЫҰ аясындағы өзара ықпалдастық мәселелерін, қорғаныс саласындағы екіжақты ынтымақтастық болашағын, сондай-ақ екі елдің құқық қорғау органдарының байланыстарын одан әрі дамыту мәселесін талқылады.
Талқылау қорытындылары бойынша алдағы кезеңде бірінші кезектегі шаралар белгіленді.
Кезекті қазақстандық-ресейлік кеңестер 2016 жылы біздің елімізде өткізілетіні күтіліп отыр.