Мысыр Йемендегі Елшілігін жапты

АСТАНА. ҚазАқпарат - Дүйсенбі күні Мысыр Йемен астанасы Сана қаласындағы Елшілігін елдегі саяси ахуалдың күрделенуіне байланысты жауып, барлық қызметкерлерін шақыртып алды, деп жазады РИА Новости.

Бұған дейін Йемендегі өз Елшіліктерін Сауд Арабиясы, Франция, АҚШ, Германия, Италия, Ұлыбритания, Нидерланды, БАӘ, Испания, Жапония және Түркия жапқан еді. Ресей Елшілігі қауіпсіздікті күшейтіп, жұмысын тоқтатқан жоқ.