Қолданушы баптаулары
Қолданушы баптаулары
+7 (701) 759 90 19 Лента
USD 379.29 EUR 426.40
RUB 5.93 CNY 56.58
Jańalyqtar

Мырзағали Айтжанов бокстан ҚР құрамасының бас бапкері қызметінен кетті

2018 жылғы 14 желтоқсан 20:33 822
Бөлісіңіз:
Мырзағали Айтжанов бокстан ҚР құрамасының бас бапкері қызметінен кетті

АСТАНА. ҚазАқпарат - Бокстан Қазақстан ұлттық құрамасының бас бапкері болып Ғалымбек Кенжебаев тағайындалды. Ол бұл қызметте команданы 2009 жылдан бері жаттықтырған Мырзағали Айтжановты алмастырды, деп хабарлайды ҚазАқпарат.

Мәлім етілгендей, Қазақстан бокс федерациясы ұсынған Ғалымбек Кенжебаевтың кандидатурасын ҚР Мəдениет жəне спорт министрлігі құптаған.
Мырзағали Айтжанов бокстан ҚР құрамасының бас бапкері қызметінен кетті 

Мырзағали Айтжановтың басшылығымен Қазақстан боксшылары əлем үздіктерінің қатарына еніп, Азияда үздік үштіктен көрінді. Лондонда Серік Сəпиев, Риода Данияр Елеусінов Олимпиада чемпионы атанды. Айтжановтың басшылығымен қазақ боксшылары əлем чемпионаттарынан 5 мәрте алтын медаль жеңіп алды (2013 жылы - 4, 2017 жылы - 1).

Мырзағали Айтжанов əлем үздіктерімен иық тірестіретін мықты құрам жасақтап шықты. 

Қазақстан бокс федерациясы оған ұзақ жылғы еңбегі үшін алғыс білдірді.

«Бүгінде біздің команда бір орында тұрып қалды. Бірнеше жылдан бері дайындық барысында өзгеріс жоқ. Сондықтан, біз бапкерді ауыстырып, үнемі жаңашылдық іздейтін, боксшылары керемет нəтиже көрсететін жастар құрамасының бас бапкері Ғалымбек Кенжебаевты ұсындық»,- дейді ҚБФ бапкерлер штабымен жұмыс бөлімінің басшысы Юрий Цхай. 

Ғалымбек Кенжебаев 35 жылдан  бері бапкерлік қызметте келеді. 1998-2005 жылдар аралығында Геннадий Головкиннің жеке бапкері болды. 2006-2009 жылдар аралығында жəне 2013 жылдан бүгінге дейін жастар құрамасының бас бапкері. Кенжебаевтың басшылығымен Қазақстан жастар құрамасы жасөспірімдер Олимпиадасынан 2 алтын иеленіп, 5 Азия чемпионатында жалпыкомандалық есепте 1-ші орын иеленді.

 

 

 

Біздің каналымызға жазылыңыз:

Басты сөздер: Спорт, Бокс,
Бөлісіңіз:

Автор:

Самал Қабышева

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT