Мұрат Нұртілеу ШЫҰ-ға мүше мемлекеттердің министрлері кеңесінің отырысына қатысады
«2023 жылғы 5 мамырда Қазақстан Премьер-Министрінің орынбасары – Сыртқы істер министрі Мұрат Нұртілеу Шанхай ынтымақтастық ұйымына (ШЫҰ) мүше мемлекеттердің Сыртқы істер министрлері кеңесінің отырысына қатысады. ШЫҰ-ға мүше мемлекеттердің сыртқы саяси ведомстволары басшыларының алдағы кеңесінің негізгі мәселелерінің бірі – ШЫҰ мемлекет басшылары кеңесінің отырысына шығарылатын құжаттарды дайындау», - деді А. Смадияров елордада өткен баспасөз мәслихатында.
Оның айтуынша, аталған министрлер кездесуінде елдердің түрлі салалардағы, соның арасында Ұйым қызметін жетілдіру мәселелеріндегі одан әрі өзара іс-қимылының перспективалары талқыланады.
Бұдан бұрын хабарланғандай, ресми өкіл Ирактағы түрмеде өмір бойына бас бостандығынан айырылған қазақстандық әйелдер аштық жариялағанын айтты.