+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Мұрағатты күзету полицияға жүктеле ме

2020 жылғы 24 қараша 17:03
Бөлісіңіз:
Мұрағатты күзету полицияға жүктеле ме

НҰР-СҰЛТАН. ҚазАқпарат - Өңірлік мұрағаттарды күзетуге лицензияланған күзет ұйымдарын тарту тәжірибесін жалғастырған дұрыс. Бұл жайында Сенат депутаттарының ресми сауалына ҚР Премьер-Министрі Асқар Маминнің жауабында айтылған, деп хабарлайды ҚазАқпарат тілшісі.

«Бүгінгі күні 5 республикалық мұрағат (ҚР Ұлттық мұрағаты, Орталық мемлекеттік мұрағат, Орталық мемлекеттік кино-фото құжаттар және дыбыс жазбалары мұрағаты, Орталық мемлекеттік ғылыми-техникалық құжаттамалар мұрағаты, Ұлттық қолжазбалар және сирек кездесетін кітаптар орталығы) мемлекеттік күзетпен қамтамасыз етілген. 200-ден астам өңірлік мемлекеттік мұрағат лицензиясы бар күзет ұйымдарымен немесе олардың штаттық қызметкерлерімен күзетіледі», - деді Асқар Мамин.

Осы орайда Үкімет басшысы жергілікті мұрағаттарды мемлекет күзететін нысандар тізбесіне қосу полиция қызметкерлерінің айтарлықтай санын тартуды талап ететіндігіне назар аудартады.

«Мұндай қадам ішкі істер органдарын реформалау үшін жүргізіліп жатқан міндетке қарама-қайшы келеді. Аталған міндеттің бірі полицияны ведомстволық күзет қызметінен босату саналады. Осыған орай, өңірлік мемлекеттік мұрағаттарды күзетуге лицензияланған күзет ұйымдарын тарту тәжірибесін жалғастыру мақсатқа сай келеді деп есептеймін», - деді Премьер-Министр.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT