Мұнайдың әлемдік бағасы төмендеді

None
АСТАНА. ҚазАқпарат -Мұнай бағасы бейсенбіде геосаяси шиеленістің бәсеңдеуіне, сондай-ақ Қытайдағы COVID-19 жағдайларының өсуіне байланысты төмендеді. Бұл әлемдегі ең ірі мұнай импорттаушының сұранысын азайтуы мүмкін, деп хабарлайды ҚазАқпарат Reuters агенттігіне сілтеме жасап.

Бейсенбі күні таңертеңгі сауда-саттықта Гринвич уақыты бойынша 04:30-дағы (Астана уақыты бойынша 10:30-да) Brent маркалы мұнай фьючерстері барреліне 1,04 долларға, яғни 1,1% - ға 91,82 долларға дейін арзандады. West Texas Intermediate (WTI) маркалы мұнай фьючерстері барреліне 1,17 долларға, яғни 1,4% - ға 84,42 долларға дейін төмендеді. Сонымен қатар кеше Венгрияға «Достық» мұнай құбыры арқылы Ресей мұнайын жеткізуді қайта бастағаннан кейін Brent маркасы,1%-ға, ал WTI 1,5%- ға арзандаған еді.

«Шикі мұнайдың бағасы НАТО Ресейдің Польшаға жасаған зымырандық шабуылына жауап бергеннен кейін төмендеді. Бұл ретте Қытайдың COVID-19 шектеулері мен әлемдік экономикалық болжамның бұлыңғыр болуына байланысты сұранысқа қатысты алаңдаушылық туындады», - деді британдық CMC Markets компаниясының сарапшысы Тина Тан.

Айта кетейік, Қытайдағы коронавирус жұқтыру жағдайларының саны әлемнің басқа елдерімен салыстырғанда төмен, бірақ Бейжің ауруды болжырмас үшін COVID-ке қарсы қатаң саясатты ұстанады. Бейсенбіде Қытайдың Ұлттық денсаулық сақтау комиссиясы күніне 23 мыңнан астам жаңа жағдайлар тіркелгенін хабарлады.


Соңғы жаңалықтар