Мұнай өнімдерін Қазақстан аумағынан әкетуге жаңа шектеу енгізіледі

НҰР-СҰЛТАН. ҚазАқпарат – Қазақстанда мұнай өнімдерін Қазақстан аумағынан әкетуге жаңа шектеу енгізілмек, деп хабарлайды ҚазАқпарат.

Бұл туралы Энергетика министрінің тиісті бұйрығында жазылған.

«Автомобиль көлік құралдарын дайындаушы зауытпен көзделген бензин бактарында, сондай-ақ жалпы көлемі 20 литрден аспайтын жеке ыдыстарда әкету жағдайларын қоспағанда жағармайды, бензиндерді, дизель отынын және мұнай өнімдерінің жекелеген түрлерін Қазақстан Республикасының аумағынан автомобиль көлігімен әкетуге алты ай мерзімге тыйым салу енгізілсін», - делінген құжат мәтінінде.