Мұнай бағасы екінші күн қатарынан қымбаттауда

НҰР-СҰЛТАН. ҚазАқпарат - Лондон мен Нью-Йорктің шикізат биржаларында бейсенбі күні өткен сауда-саттық қорытындысы бойынша мұнай бағасы көтерілді, деп хабарлайды ҚазАқпарат.

Лондондағы ICE Futures биржасында шілде айында жеткізілетін Brent маркалы мұнайдың фьючерстері 0,82 долларға артып, 72,77 долларға жетті. Айта кетейік, сәрсенбі күні қара алтын бағасы 0,96 долларға көтеріліп, 71,95 долларды құраған болатын.

Нью-Йорк тауар биржасында (NYMEX) маусым айында жеткізілетін WTI маркалы мұнай бағасы 0,85 долларға жоғарылап, бір баррелі 62,87 доллар болды. Сәрсенбіде баға 0,24 долларға қымбаттап, 62,02 долларды көрсетті.

Авторы Асхат Ахметбеков