Мұнай бағасы 67 доллардан асты

АСТАНА. ҚазАқпарат - Қара алтын жаңа жылды жоғары котировкамен бастады, деп хабарлайды «ҚазАқпарат» ХАА.

Лондон және Нью-Йорк шикізат биржаларындағы 2018 жылдың алғашқы күні мұнайдың бір баррелінің бағасы 2014 жылдан бері алғаш рет 60 АҚШ долларынан асты.

Лондон биржасында Brent маркалы мұнай бағасы 67,08 доллар болса, Нью-Йорк биржасындағы WTI маркалы мұнай 60,59 долларға бағаланды.