+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Мүмкіндігі шектеулі балаға күтім жасау мерзімі ұзартылады – Серік Шәпкенов

2021 жылғы 16 қыркүйек 10:21
Бөлісіңіз:
Мүмкіндігі шектеулі балаға күтім жасау мерзімі ұзартылады – Серік Шәпкенов

НҰР-СҰЛТАН. ҚазАқпарат – Мүмкіндігі шектеулі балалар тұрғын үй кезегіне тұру құқығына қатысты жаңа норма енгізіледі. Бұл туралы Парламент Сенатының жалпы отырысында тиісті заң жобасын қарау кезінде ҚР Еңбек және халықты әлеуметтік қорғау министрі Серік Шәпкенов мәлім етті, деп хабарлайды ҚазАқпарат тілшісі.

Айта кетейік, палата депутаттары «Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы» заң жобасын бірінші оқылымда талқылады.

«Құжатта мүгедектігі бар баланы тәрбиелеп отырған отбасыларға бала кәмелеттік жасқа толғаннан кейін де тұрғын үй кезегінде тұру құқығын сақтау көзделеді. Іс жүзінде мұндай отбасылар тұрғын үй кезегінде 10 жылға дейін тұрады. Егер бала 18 жасқа толғанға дейін тұрғын үй алу мүмкін болмаса, онда мүгедектігі бар азамат кезекке қайта тұруға мәжбүр. Бұл норма 20 мыңнан астам отбасына тұрғын үй кезегін сақтауға мүмкіндік береді», - деді Серік Шәпкенов.

Бұдан басқа, заң жобасы аясында мүгедектігі бар балаға күтім жасау мерзімін 16-дан 18 жасқа дейін ұзарту ұсынылды. Бұл жасына байланысты зейнетақы төлемдері мен базалық зейнетақыны тағайындауға оң әсерін тигізеді.


Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT