USD 434.24 EUR 492.69
RUB 5.67 CNY 68.46
Jańalyqtar

Мұқабасы әдемі, ішінде іліп алар дүниесі жоқ кітаптар көбейіп кетті - Сэдоогийн Хадаа

2019 жылғы 25 қыркүйек 16:11
Бөлісіңіз:
Мұқабасы әдемі, ішінде іліп алар дүниесі жоқ кітаптар көбейіп кетті - Сэдоогийн Хадаа

АЛМАТЫ. ҚазАқпарат - Алматыда өтіп жатқан екінші халықаралық жазушылар форумында Моңғол елінен келген Сэдоогийн Хадаа, көркем аудармаға қатысты өз ойын айтты, деп хабарлайды ҚазАқпарат тілшісі.

Ұқсас жаңалықтар
Жыл басынан көлік апаттарында 100-ден астам адам көз жұмған Атырауда теміржол вокзалы мен әуежай қалыпты жұмыс режиміне көшті Жағдайыңызды біліп кетейік: Түркістандық тұрғынды беймезгіл мазалаған тәртіп сақшыларына қатаң сөгіс берілді

Моңғол елінен келген жазушы Сэдоогийн Хадааның пікірінше, көркем аударма әлемдік проблема. Аударманың өзі сын, қиын, күрделі мәселе. Көркем аударма уақытпен кеңістік көлемін қамтиды, тілдің өз шегінен шығуды білдіреді.

«Шын мәнісінде шынайы көркем аударма - ол аударманың өзінің шегінен шығу. Бір тілден басқа тілге, бір елден басқа елге, бір мәдениеттен басқа мәдениетке шығу. Бірақ бұл жәй ғана мәтін трасплантациялау емес. Көркем аударма менің ойымша электрондық жүйені қабылдамайды»,-деді Моңғол жазушысы Сэдоогийн Хадаа.

Оның айтуынша, қазір әлем бойынша жазушылар мен оқырмандар зардап шегуде. Әр елдің классик жазушыларының шығармаларын мән-мағынасы жоқ әңгімелер мен өлеңдер басып барады. Мұқабасы әдемі безендірілген, алайда ішінде іліп алар дүниесі жоқ кітаптар қаптап кетті. Интернет кеңістігі де әдебиетке өз кесірін тигізіп жатыр.

«Бұл ақиқат. Мойындауымыз керек. Алайда әр проблеманың шешімі болады. Бүгінгі форум осының бір айғағы. Қаламгерлер басқосуы әдебиет әлемінде халықаралық бағаға ие болатынына мен сенемін» - дейді Сэдоогийн Хадаа.

Бұған дейін, жазушы Смағұл Елубай Қазақстанда әдеби агент жүйесін құру туралы сөз қозғады.

Мемлекет және қоғам қайраткері Олжас Сүлейменов Бейімбет, Сәкен, Ілияс, Міржақыптардың шығармасын шет тіліне аудару керектігін айтты.

Еске сала кетсек, Алматыда халықаралық жазушылар форумы өтіп жатыр. Оған 18 мемлекеттен 81 делегат қатысуда.

Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT