+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Мұхтар Төлеген: Бұл індетке үстірт қарауға болмайтынын уақыт анық көрсетті

2020 жылғы 9 шілде 00:54
Бөлісіңіз:
Мұхтар Төлеген: Бұл індетке үстірт қарауға болмайтынын уақыт анық көрсетті

НҰР-СҰЛТАН. ҚазАқпарат – Президенттің үндеуінде айтылғандай, 13 шілдені Ұлттық аза тұту күні деп белгілеу, осы індеттен қайтыс болған жақындарымызды еске алу - адамдық борышымыз. Мемлекет басшысы Қасым-Жомарт Тоқаевтың елімізде қалыптасқан ахуалға байланысты жариялаған үндеуіне С.Аманжолов атындағы ШҚМУ ректоры Мұхтар Төлеген осындай пікірімен үн қосты, деп хабарлайды ҚазАқпарат тілшісі.

Ұқсас жаңалықтар
Асхат Аймағамбетов ұстаздарға жеке-жеке хат жолдады Қазақстанда коронавирус жұқтырған  25 182  адам ем алып жатыр - ҚР ДСМ Әзербайжанның бірқатар қаласында карантин режимі жеңілдетілді

«Әлем күтпеген, әлі кездесіп көрмеген індетпен халқымыз бетпе-бет тікелей кездескенде барлық сала абдырап, тосырқап қалғаны рас. Жаһанның алдында тұрған күрмеуі қиын сынақ елді дүрліктіріп, ауыр жағдайларға әкелгені өте өкінішті болып отыр. Дегенмен, дәл бүгін ел Президенті Қасым-Жомарт Тоқаев күрделі жағдайдың аражігін ашып, денсаулық сақтау министрлігі тарапынан жіберілген қателерді түзеуге байланысты жүзеге асырылатын іс-шараларды ашық түрде жариялағаны, қоғамдағы жағдайға шынайы, ресми баға беруі - анықтаушы фактор болды. 13 шілдені Ұлттық аза тұту күні деп белгілеу, осы індеттен қайтыс болған жақындарымызды еске алу - адамдық борышымыз», - деп жазды ректор Facebook парақшасына.

Мұхтар Төлегеннің жазуынша, барлық мемлекетке төнген қауіп-қатерден береке-бірлікпен, ынтымақпен өтуіміз керек.

««Адам баласына адам баласының бәрі – дос» деп ұлы Абай айтқандай, әлемді жайлаған кеселді дүрбелең кезінде халқымызға ең бастысы достық, бауырмалдық қасиеттер қажет. Медицина, дәрі-дәрмек саласындағы іс-шараларды ушықтырмай, ақылмен ұйымдастыра отырып шығу бәрімізге сын. Әрине, «тас түскен жеріне ауыр», ең ауыр салмақ денсаулық сақтау министрлігіне түсетіні рас. Бірақ дәрі-дәрмектің бағасын пайдакүнемдік мақсатта өсіру, күрделі жағдайды саяси мақсатта пайдалану қылмыс болып есептеледі», - дейді ол.

Университет ректоры бұл індетпен күрес барысында немқұрайлы, үстірт қарауға болмайтындығын уақыт анық көрсеткенін жеткізді.

«Өйткені кез келген «мүлт кеткен» тұстарды бұл індет кешірмейді. Жаһандық індетпен күресуде әрекетсіздік, шарасыздық, енжарлық танытқан жауапты тұлғалардың заң тұрғысынан жауапкершілігі жеке қарастырылатындығы айтылды. Әлемдік ауқымды дерт, қандай күрделі қиындықтар болмасын, шын мәнісінде билік пен халық арасында еш жасырусыз, ашық һәм сындарлы, түсінікті сұхбат жүргізілетін болғанда кез келген кедергіден, қиындықтан саналы сабырмен, пайымды парасаттылықпен өтуге болатындығын ұқтырды. Халқымызға зор денсаулық тілеп, карантин шараларын қатаң сақтауға, ал тиісті мемлекеттік органдарды өз қызметіне қырағы жауапкершілікпен халықтың жағдайын жасауға шақырамыз, себебі біздің мемлекетіміздің ең негізгі байлығы - халқымыз!» - деп түйді Мұхтар Төлеген.

Еске сала кетсек, бүгін Мемлекет басшысы Қасым-Жомарт Тоқаев республикалық телеарналар арқылы елімізде қалыптасқан ахуалға байланысты үндеу жариялаған болатын. Президент отандастарымызды халқымыздың басына түскен сынақ алдында қайсарлыққа, сабыр мен жауапкершілікке шақырды.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT