USD 434.34 EUR 491.93
RUB 5.56 CNY 68.67
Jańalyqtar

Мұхтар Тілеуберді: Қазақстанның сыртқы саясаты өзінің негізгі қағидаттарын ұстануда

2022 жылғы 13 қаңтар 22:04
Бөлісіңіз:
Мұхтар Тілеуберді: Қазақстанның сыртқы саясаты өзінің негізгі қағидаттарын ұстануда

НҰР-СҰЛТАН. ҚазАқпарат - Қазақстанның сыртқы саяси ведомствосында аккредиттелген шетелдік дипломатиялық корпустың қатысуымен Премьер-Министрдің орынбасары – Сыртқы істер министрі Мұхтар Тілеубердінің елдегі қазіргі жағдайға арналған брифингі өтті, деп хабарлайды ҚазАқпарат.

Ұқсас жаңалықтар
ЕҚЫҰ жанындағы АҚШ миссиясы: Қазақстан халқының және оның конституциялық құрылымының беріктігіне сенеміз Бүгін Қазақстан мен Моңғолия арасындағы дипломатиялық қатынасқа 30 жыл толды Қаңтар оқиғасы: ҚР СІМ басшысы ЕҚЫҰ өкілдері үшін брифинг өткізді

М. Тілеуберді өз сөзінде 2022 жылғы қаңтар айының басындағы еліміздің түрлі аймақтарындағы оқиғалардың хронологиясын, сондай-ақ олардың негізгі салдарын таныстырды. Дипкорпусқа оқиғаның себептері және мемлекеттің реакциясы туралы хабарланды. Ол елдегі жағдай толығымен тұрақтанғанын, ҰҚШҰ бітімгерлері миссиясын аяқтағанын атап өтті. Қазақстанның сыртқы саясаты өзінің негізгі қағидаттарын ұстануда. Біздің барлық халықаралық міндеттемелеріміз толық көлемінде қалып отыр.

Министр 11 қаңтарда Парламент мәжілісінде сөйлеген сөзінде Президент Қасым-Жомарт Тоқаевтың жаңадан құрылған Үкіметтің алдына қойған қоғам мен мемлекет экономикасын жаңарту жөніндегі міндеттеріне егжей-тегжейлі тоқталды. Атап айтқанда, Үкімет отандық және шетелдік инвесторлар мен сауда әріптестерінің Қазақстан экономикасына деген сенімін қалпына келтіру үшін барлық ықтимал шараларды қабылдайды, инвестициялық саясаттың жаңа тұжырымдамасы әзірленетін болады.

Өз кезегінде, осы қиын-қыстау кезеңде Қазақстан халқымен ынтымақтаса отырып, шет мемлекеттердің дипломатиялық миссияларының басшылары «бірінші ауыздан» ақпарат алуға мүмкіндік бергені үшін алғыстарын білдіріп, Үкімет пен Мемлекет басшысының орын алған қайғылы оқиғалардан кейін елді қалпына келтіру жөніндегі күш-жігеріне қолдау білдірді.

Президент Қ.Тоқаев ұсынған және Қазақстан дамуының түбегейлі жаңа парадигмасын қалыптастыруға бағытталған дағдарыстан кейінгі шаралар кешенін іске асыру жөніндегі жоспарларға ерекше назар аударылды.

Кездесу соңында М. Тілеуберді дипломатиялық корпустың сұрақтарына толық жауап берді.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT