+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Мұхтар Құл-Мұхаммед ҚР ІІМ және Шекара қызметінің оқу орындарында болды

2020 жылғы 14 қаңтар 22:58
Бөлісіңіз:
Мұхтар Құл-Мұхаммед ҚР ІІМ және Шекара қызметінің оқу орындарында болды

АЛМАТЫ. ҚазАқпарат - Парламент Сенаты Халықаралық қатынастар, қорғаныс және қауіпсіздік комитетінің төрағасы Мұхтар Құл-МұхаммедІшкі істер министрлігі мен Ұлттық қауіпсіздік комитеті Шекара қызметінің Алматы қаласында орналасқан әскери және арнайы оқу орындарында болды, деп хабарлайды ҚазАқпарат.

Сенатор еліміздің Ішкі істер министрлігінің құқық магистрлерін, сондай-ақ «Құқық қорғау қызметі» мамандығы бойынша PhD докторларын даярлау бағдарламасы бойынша білім беретін Мақан Есболатов атындағы академиясының жұмысымен танысты. Академия курсанттары сонымен қатар «Ақпараттық жүйелер» және «Радиотехника, электроника және телекоммуникация» мамандықтары бойынша білім алады.

Депутат құқық қорғау органдарының жоғары оқу орындары арасында жетекші ғылыми әрі оқу-әдістемелік орталық болып табылатын академияда ішкі істер органдарына мамандар даярлау үшін барлық жағдай жасалғанын атап өтті. Профессорлық-оқытушылық құрам ішкі істер органдарының жедел-қызметі мен оқу процесіне енгізілген 500-ден астам монография, оқулықтар мен оқу құралдарын, практикалық және әдістемелік ұсынымдар дайындаған болатын.

М.Құл-Мұхаммед өз сөзінде еліміздің Тұңғыш Президенті – Елбасы Н.Назарбаевтың тапсырмасы бойынша 2019 жылы әзірленген Қазақстан Республикасының Ішкі істер органдарын жаңғырту жөніндегі 2019-2021 жылдарға арналған Жол картасын іске асыру мәселелеріне тоқталды. Депутат сондай-ақ қылмыстық және әкімшілік жауапкершілікті қатайту мәселелері бойынша Парламент қабылдаған кейінгі заңнамалық актілер туралы да айтты.

Сенат депутаты Қазақстан Республикасы Ұлттық қауіпсіздік комитеті Шекара қызметінің Алматыдағы академиясы курсанттарымен және профессорлық-оқытушылық құрамымен кездесу барысында Мемлекет басшысы Қ.Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауы аясында әскери қызметшілерді кәсіби даярлау мәселелерін талқылады.

Сондай-ақ Мұхтар Құл-Мұхаммед мемлекет егемендігін нығайту, ұлттық қауіпсіздік пен аумақтық тұтастықты қамтамасыз ету Қазақстан Республикасының Қарулы Күштерін, басқа да әскерлері мен әскери құралымдарын қалыптастыру мен дамытудың жаңа тұжырымдамасы басымдықтарының қатарында екенін атап өтті.

Сенатор өз сөзінде Мемлекет басшысының Жолдауда алға қойған басты міндеттердің бірі жаңа Тұжырымдама негізінде жауынгерлік қабілетті армия қалыптастыру болып табылатынын айтты.

Шекара қызметінің болашақ офицерлеріне арнаған сөзінде сенатор: «Мемлекет басшысы өз Жолдауында кәсіби даярлығы мол, Отанға адал офицер кадрлармен және әскери қызметшілерден жасақталған біздің әскеріміз жаңа геосаяси ахуалда ел қауіпсіздігіне төнетін қауіп-қатерді тойтаруға дайын болуы тиіс екенін атап өтті. Жоғары жауынгерлік дайындық пен ұрысқа қабілетті болуды жоғары кәсіби әскери кадрлар ғана қамтамасыз ете алатыны ақиқат. Мемлекет басшысының Жолдауындағы аса маңызды шақыру ең алдымен, еліміздің жетекші әскери оқу орындарының өкілдеріне арналған. Біздің әскери бөлімшелерді, оның ішінде мемлекеттік шекарадағы бөлімшелерді жоғары кәсіби кадрлармен сіздер қамтамасыз етесіздер», - деді.

Депутат кездесу барысында Шекара академиясының оқыту әдістемесімен және оқу-материалдық базасымен танысты, оқу сыныптарын, спорт залын және жатақхананы аралап көрді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT