Мұхитты ескек қайықпен кесіп өтпек болған 75 жастағы француз қаза тапты

ЛОНДОН. ҚазАқпарат - 75 жастағы француз саяхатшысы Жан-Жак Савен мұхиттағы екінші жеке саяхатында қайтыс болды - ол Атлант мұхитын ескекпен кесіп өтпек болды, деп хабарлайды ҚазАқпарат BBC жаңалықтарына сілтеме жасап.

Жұма күні Савеннің аударылған қайығы саяхатшы бастаған Португалиядан бір жарым мың шақырымдай жерде Азор аралдарынан табылды.

Савен қазасының себептері мен жағдайлары әлі белгісіз.

«Өкінішке қарай, бұл жолы мұхит біздің досымыздан күшті болды, ол теңізді және онда саяхаттағанды сүйетін», - делінген Савеннің Facebook парақшасында.

Савен 1 қаңтарда Португалияның Сагрешінен Атлант мұхиты арқылы екінші саяхатына шықты.

Біріншісін ол үш жыл бұрын үлкен, арнайы салынған бөшкеде жасаған. Бейсенбіге қараған түні Савен екі мәрте апат сигналын берген.

Содан кейін онымен байланыс үзілген. Ол бұған дейін сәрсенбі күні Facebook-те қатты жел оның жолын 900 шақырымға ұзартқанын және оның күн панелімен қиындықтары бар екенін жазған.

Бірақ оқырмандарды алаңдайтын ештеңе жоқ және ол ақауларды тез арада түзететініне сендірді.

Бұрынғы десантшы, кейінірек жеке ұшқыш болған Савен өткен аптада 75 жасқа толған туған күнін қайығында шампан ішіп атап өтті.

Ол өзінің сегіз метрлік қайығымен мұхитты шамамен үш айда кесіп өтуді жоспарлаған. Ол бұл әрекетін «кәрілікке күлу тәсілі» деп санаған.