Мұхамедиұлы: Спортшыларымыздың жеңіске ұмтылысы жоғары нәтижелерге жеткізеді

None
None
АСТАНА. ҚазАқпарат - ҚР Мәдениет және спорт министрі Арыстанбек Мұхамедиұлы XXIII қысқы Олимпиада ойындарына қатысу үшін Корея Республикасына барды, деп хабарлайды ҚазАқпарат.

«Достарым, біз XXIII қысқы Олимпиада ойындарына қатысу үшін Корея Республикасына келіп жеттік. Қазақстан құрамасы спортшыларының дайындық деңгейі, оптимистік көңіл-күйі, жеңіске деген ұмтылыстары жоғары нәтижелерге жеткізеді деген сенімдемін. Спортшыларымыз 57 лицензия иеленіп, спорттың 9 түрінен бақ сынайды: биатлон, мәнерлеп сырғанау, тау шаңғысы, шорт-трек, конькимен жүгіру, шана спорты, шаңғы жарысы, шаңғымен трамплиннен секіру, фристайл (акробатика, могул). Құрамамыздың барлық мүшелері бірнеше рет допинг бақылауынан өтті», - деп жазды министр Фейсбуктегі парақшасында.

Оның дерегінше, осы Олимпиада ойындарына 90 елден 5000-нан аса спортшы мен ресми өкілдердің қатысуы жоспарланып отыр. Спорттың 15 түрінен 102 медаль жиынтығы сарапқа салынады.

«Достарым, спортшыларымызға жолдары оң болсын дейік! Баршаңызға олардан сәлем!»,-  дейді Арыстанбек Мұхамедиұлы.

Соңғы жаңалықтар