Мұғалімнің үстіне төгілген ыстық битумға байланысты іс қозғалды
Ведмоствоның мәліметі бойынша қазіргі кезде аталмыш оқиға байланысты іс қозғалып, тергеу амалдары қолға алынған.
«Қазіргі кезде Бурабай ауданының Зеленый Бор кентіндегі мектеп-гимназиясының мұғалімі Р.Г. Шарафутдиновтың термиялық күйік алуына байланысты ҚР ҚК 156 бабының 1 бөлімі (еңбек заңының сақталмауы) бойынша іс қозғалып, соталды тергеу амалдары жүргізілуде», - деп түсіндірді ІІД баспасөз қызметіндегілер.
Еске сала кетейік, осыған дейін хабарлағанымыздай, оқиға 5 маусым күні Зеленый бор кентіндегі мектеп-гимназиясында болған. Мектептің шатырын жөндемек болған мұғалімнің үстіне абайсызда бір шелек ыстық қара май (гудрон) төгілген.
Зардап шеккен мұғалімнің ата-анасының сөзі бойынша, 1993 жылғы ұстаз төменде жүрген балаларды қатерден сақтап қалмақ болған. Күйік жарақаттарын алған ол алдымен Бурабай аудандық ауруханасына, кейін Ақмола облыстық ауруханасының травматология бөлімшесіне жатқызылады.
«Мұғалім бізге 7 маусым күні кешкі сағат 19:00 шамасында түсті. Денесінің 19 пайызы, яғни беті, мойны, қолдары және аяқтарының бастары күйген. Қазіргі кезде жағдайы жақсарып келеді. Тиісті ем қабылдап жатыр. Алдағы бір-екі аптаның ішінде ауруханадан шығарылады», - деген болатын Ақмола облыстық ауруханасының дәрігері Елдос Қайыржанов.