+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Мұғалімдерге сабақтан тыс спорт жаттығуын жүргізгені үшін қосымша ақы төленеді

2020 жылғы 5 маусым 15:24
Бөлісіңіз:
Мұғалімдерге сабақтан тыс спорт жаттығуын жүргізгені үшін қосымша ақы төленеді

НҰР-СҰЛТАН. ҚазАқпарат – Мәдениет және спорт министрі Ақтоты Райымқұлова мемлекеттік білім беру ұйымдарының педагогтеріне сабақтан тыс спорт жаттығуын жүргізгені үшін қосымша ақы берілетінін мәлімдеді, деп хабарлайды ҚазАқпарат тілшісі.

«Спорт саласындағы жаттықтырушы-оқытушылардың, мұғалімдердің, 4 мектеп-интернат-колледжі мен спорт колледжі тәрбиешілерінің, балалар-жасөспірімдер спорт мектебінің жаттықтырушы-оқытушыларының жалақысы көтеріледі. Мемлекеттік білім беру ұйымдарының педагогтеріне сабақтан тыс спорт жаттығуларын жүргізгені үшін базалық лауазымдық жалақының (17 697 теңге) 100% мөлшерінде қосымша ақы беріледі», - деді Ақтоты Райымқұлова ОКҚ-да онлайн режимде халық алдында есеп беру кездесуінде.

Министрдің айтуынша спортшылардың допингіге қарсы зертханасының, Ұлттық допингіге қарсы орталықтың қызметкерлеріне, дене шынықтыру және спорт жөніндегі республикалық оқу-әдістемелік және талдау орталығының, Спортты дамыту дирекциясының қызметкерлері мен жаттықтырушыларына лауазымдық жалақының 100% мөлшерінде жаңа қосымша ақы белгіленген. Осылайша, олардың жалақысы 2 есе артқан.

«Бұл бағытта жұмыс жалғасады. Сала қызметкерлерін әлеуметтік қолдау мәселелері біз үшін әрқашан да өзекті. Осыған байланысты сала қызметкерлерін әлеуметтік қолдау жүйесін одан әрі дамытуды, жұмысының ерекшелігі бар мамандар үшін төлем мәселесін пысықтауды жоспарлап отырмыз. Бұл мамандықтың беделін арттрыып ғана қоймай мультипликативті әсер береді», - деді Ақтоты Райымқұлова.


Біздің каналымызға жазылыңыз:

Бөлісіңіз:

Автор:

Аян Бекенұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT