+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Моншада отырып терроризмді насихаттаған үш ақтөбелік 7 жылға сотталды

2020 жылғы 29 қаңтар 21:41
Бөлісіңіз:
Моншада отырып терроризмді насихаттаған үш ақтөбелік 7 жылға сотталды

АҚТӨБЕ. ҚазАқпарат – Ақтөбеде терроризмді насихаттаған үш сотталушы бас бостандығынан айырылды, деп хабарлайды ҚазАқпарат тілшісі.

Ұқсас жаңалықтар

№2 Ақтөбе қалалық сотында сотталушылар Бағдат Бисенбаев, Әділжан Дәулетов және Ерсайын Құлынтайға қатысты қылмыстық іс қаралды.

Іс материалына сүйенсек, 2019 жылдың 16 наурызында үшеуі моншада отырып, тыйым салған тақырыпта сөз қозғаған. Діни ағымдар туралы ашық айтып, өз ойларын білдірген. Жуынуға барған өзге ер адам олардың әңгімесін тыңдап, күдіктеніп, барлығын жазып алған. Тергеу барысында барлығын да терроризмді насихаттағаны үшін кінәлі деп тапты.

Сотталушы Бағдат Бисенбаев, Әділжан Дәулетовтер кінәсін бірден мойындаған. Үшеуінің де тұрақты жұмысы жоқ. Ал Ерсайын Құлынтай болса бұған дейін де істі болған.

Айта кетейік, 2019 жылдың 11 сәуірінде Әділжан Дәулетов пен Ерсайын Құлынтай өз ісін жалғастырып, 3 шілде күні Ресейге, әрі қарай Сирияға жолға шыққанда ұсталды. Сонымен қатар екеуінен де ескірткі заты тәркіленді.

«Бағдат Бисенбаев, Әділжан Дәулетов, Ерсайын Құлынтай Қылмыстық кодекстің «Терроризмдi насихаттау немесе терроризм актiсiн жасауға жария түрде шақыру», «Террористiк топ құру, оған басшылық ету және оның әрекетіне қатысу», «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» баптары бойынша айыпты деп танылып, 7 жылға бас бостандығын айыру жазасы тағайындалсын. Жазасын қылмыстық атқару жүйесінің қауіпсіздігі орташа түзету мекемесінде өтесін. Жазасын өтеу мерзімі қамауға алынған күннен бастап есептеледі», - деді №2 Ақтөбе қалалық сотының судьясы Теміржан Алданов.


Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT