Моңғолияның Сыртқы істер министрі Қазақстанға сапармен келеді
«24-25 қаңтарда Қазақстан - Моңғолия қарым-қатынасының тарихында тұңғыш рет Моңғолияның Сыртқы істер министрі Дандингин Цогтбаатар Қазақстанға алғашқы ресми сапарымен келеді. Сапар барысында екіжақты және көпжақты ынтымақтастық мәселелері талқыланады», - деді Айбек Смадияров.
ҚР СІМ ресми өкілінің айтуынша, тараптар сауда-экономикалық, мәдени-гуманитарлық байланыстар мен екі елдің транзит-көліктік әлеуетін дамытуды, жоғары деңгейдегі өзара сапарларды ұйымдастыруды, сондай-ақ халықаралық күн тәртібіндегі мәселелерді талқылайды.
«Қазақстан Республикасы мен Моңғолия стратегиялық серіктестер болып табылады. Сондай-ақ, ежелгі тарихи және экономиклалық байланыстарға ие. Екі мемлекетті біріктіретін достық көпірі - Моңғолиядағы қазақ диспорасы болып табылады», - деді Айбек Смадияров.