Молдовадағы президент сайлауының екінші кезеңі 15 қарашада өтеді

КИШИНЕВ. МОЛДПРЕСС-ҚазАқпарат – Молдова Республикасындағы президент сайлауының екінші туры 15 қарашада өтеді. Бүгін Орталық сайлау комиссиясы дауыс беру бюллетенінің мәтіні мен үлгісін мақұлдап, оларды басып шығаруды бастауға бұйрық берді, деп хабарлайды ҚазАқпарат Молдпресс-ке сілтеме жасап.

ОСК шешіміне сәйкес, 2020 жылғы 1 қарашадағы президент сайлауының қорытындысы бойынша Молдова Республикасының президенттігіне кандидаттардың бірде-бірі сайлаушылардың кемінде 51% дауысын жинай алмады. Осылайша, заңнамаға сәйкес 2020 жылдың 15 қарашасында өтетін екінші кезең тағайындалады.

Екінші тур бірінші кезеңде жинаған дауыстар санының азаю ретімен белгіленген тәртіп бойынша алғашқы екі кандидат, «Әрекет және ынтымақтастық» саяси партиясынан Майя Санду, тәуелсіз кандидат Додон Игорь үшін ұйымдастырылады.

Бюллетеньдерді басып шығару процесі бүгін басталды.