Мол қар жауып, көктайғақ болады: Жұма күнгі ауа райы болжамы

АСТАНА. ҚазАқпарат – 25 қарашада Атлантика циклонының өтуіне байланысты Қазақстан аумағының басым бөлігінде қар түрінде жауын-шашын сақталады. Елдің батысында жауын-шашынсыз күн райы күтіледі. Республика бойынша тұман, көктайғақ, желдің күшеюі, солтүстікте, солтүстік-батыста және шығыста бұрқасын болжанады, деп хабарлайды ҚазАқпарат.

Қазгидромет мәліметінше, Ақмола облысының оңтүстік-шығысында қатты жауын-шашын (жаңбыр, қар), Қарағанды облысының солтүстігінде, түнде Солтүстік Қазақстан облысының оңтүстігінде, Қостанай облысының шығысында, күндіз Шығыс Қазақстан облысының солтүстік-шығысында, Павлодар облысының оңтүстігінде мол қар жауады.