+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Минскіге шұғыл қонған «Афины-Вильнюс» ұшағынан бомба табылмады

2021 жылғы 23 мамыр 22:11
Бөлісіңіз:
Минскіге шұғыл қонған «Афины-Вильнюс» ұшағынан бомба табылмады

МИНСК. БЕЛТА-ҚазАқпарат – «Афины-Вильнюс» рейсін орындап келе жатқан Ryanair компаниясының ұшағынан жарылғыш зат табылмады. Ұшақ шұғыл түрде Минскінің Ұлттық әуежайына қонған болатын. ҚазАқпарат бұл туралы БЕЛТА агенттігіне сілтеме жасап хабарлайды.

Ұқсас жаңалықтар
Қазақстан мен Ресей бірлесіп жаңа ұшақ шығармақ

«Тергеу мәліметі бойынша, 23 мамыр күні күндіз «Афины-Вильнюс» бағытындағы рейсті орындап келе жатқан ұшаққа жарылғыш зат қойылғаны жөнінде ақпарат түсті. Алынған мәліметті тексеру үшін ұшақ Минскінің Ұлттық әуежайына қонды.

Оқиға орнына саперлік-пиротехникалық топ және шұғыл-тергеу тобы жөнелтілді. Жарылғыш заттар табылмады.

Тергеу комитетінің Октябрь аудандық бөлімі Қылмыстық кодекстің 340-бабы, 1-бөлігімен (қауіп-қатер туралы көрінеу жалған хабарлау) қылмыстық іс қозғады», - делінген агенттік ақпаратында.

«Сағат 17.45-тегі (Нұр-Сұлтан уақытымен 20.45) жағдай бойынша, ұшақ әлі де Минскінің Ұлттық әуежайында тұр және ұшып шығуға дайындалуда», - деп қосымша хабарлады БЕЛТА.

Әуе кемесінің бортында 123 жолаушы болған. Олардың барлығы авиациялық қауіпсіздікке қатысты қосымша тексеруден өтіп, одан арғы шаралар үшін әуежайдың транзиттік айлағына жеткізілді. Жолаушылардың жүгі де рейстен түсіріліп, қосымша тексерілді.

Нұр-Сұлтан уақытымен 21.35-те хабарланғандай, «жолаушылар толық тексеруден өтті. Жүк бортқа тиеліп жатыр. Ryanair ұшағы әуеге көтерілуге дайындалуда».


Біздің каналымызға жазылыңыз:

Бөлісіңіз:

Автор:

Мира Төлендіқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT