Министрлік тапсырмасымен Алматыға өңірлерден эпидемиологтар жіберілді

АЛМАТЫ. ҚазАқпарат – ҚР Денсаулық сақтау министрінің тапсырмасымен Алматыға өңірлерден эпидемиолог мамандар жіберілді. Бұл туралы қалалық тауарлар мен қызметтердің сапасы мен қауіпсіздігін бақылау департаментінің басшысы Айзат Молдақасымова онлайн брифинг барысында айтты, деп хабарлайды ҚазАқпарат тілшісі.

«ҚР ДСМ басшысының тапсырмасымен Алматыға Қазақстанның барлық өңірінен қосымша эксперт эпидемиолог мамандар жіберілді. Қазіргі таңда 82 маман блок бекеттерде жұмыс жасап тұр. Олардың жұмыс істеуіне, дұрыс тамақтануына, уақытша Алматыда тұруына қажетті жағдай жасалған. Сонымен қатар, маска, арнайы костюм, қолғаптармен қамтылған», - деді Айзат Молдақасымова.