Министрлік «Өзін-өзі тану» пәнін ресми түрде алып тастауды ұсынды

АСТАНА. ҚазАқпарат – Оқу-ағарту министрлігі «Өзін-өзі тану адамгершілік-рухани білім беру бағдарламасының күшін жою туралы» бұйрықты ашық талқыға шығарды, деп хабарлайды ҚазАқпарат тілшісі.

«Өзін-өзі тану адамгершілік-рухани білім беру бағдарламасын бекіту туралы туралы» ҚР Білім және ғылым министрінің 2018 жылғы 29 қыркүйектегі № 522 бұйрығының күші жойылды деп танылсын. Осы бұйрық Әділет министрлігінде мемлекеттік тіркелгеннен кейін он жұмыс күні ішінде Оқу-ағарту министрлігінің заң департаменті көзделген іс-шаралардың орындалуы туралы мәліметтерді ұсынуды қамтамасыз етсін», - делінген құжатта .

Ұсынылып отырған бұйрықты талқылау 5 қазанға дейін жалғасады.

Айта кетсек, бұл уақытқа дейін министр Асхат Аймағамбетов «Өзін-өзі тану» пәнінің мұғалімдері әлеуметтік педагог ретінде жұмысын жалғастыра беретінін мәлімдеп еді.