+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Министрлік Өскеменнің лас ауасын сынаған биші жігітке жауап берді

2019 жылғы 17 қазан 14:45
Бөлісіңіз:
Министрлік Өскеменнің лас ауасын сынаған биші жігітке жауап берді

НҰР-СҰЛТАН. ҚазАқпарат – ҚР Экология, геология және табиғи ресурстар вице-министрі Ахметжан Пірімқұлов ресейлік «ТНТ-дағы би» шоуында өнер көрсетіп, Өскеменнің экологиясына қатысты мәселе көтерген Шыңғысхан Қабдыхалықтың сынына жауап берді, деп хабарлайды ҚазАқпарат тілшісі.

Ұқсас жаңалықтар
Әрбір қазақстандық қоршаған ортаға деген жауапкершілігін сезінуі тиіс - Мәулен Әшімбаев Мәжіліс депутаттары: экологиялық мәдениет – елдің тұрақты дамуының алғышарты Сенаторлар «World clean up day» экологиялық қозғалысына қолдау білдірді

Айта кетсек, осыдан бірнеше күн бұрын ресейлік «ТНТ-дағы би» шоуында өнер көрсеткен Шыңғысхан Қабдыхалық Өскемен қаласының экологиясына қатысты аталмыш телеарнада сын айтқан еді. Жас жігіт Ресейге кетер алдында екі қарындасының жөтеліп, ыстығы көтеріліп, ауруханаға жатып қалғанын, осының бәрі зауыттар ауаға тарататын лас қалдықтардың кесірінен екенін айтады.

Бұл мәселеге қатысты министрліктің ұстанымы қандай екенін бүгін ОКҚ-дағы баспасөз мәслихатында ҚР Экология, геология және табиғи ресурстар вице-министрі Ахметжан Пірімқұлов айтып берді

«Шығыс Қазақстан, Павлодар, Қарағанды облыстарындағы бұл мәселелерді білеміз. Қала ішінде үлкен зауыттар бар. Қазіргі таңда экологияны жақсарту мақсатында көп жұмыс істеліп жатыр. Жаңа экологиялық кодексте ең озық әрі қолжетімді технологияларды енгізу әдісімен мәселе біршама шешілер деп ойлаймыз. Өскемен, Павлодар, Қарағанды қалаларында қоршаған ортаға эмиссия көптеп шығарылады. Жаңа экологиялық кодекстің жаңашылдықтары осы мәселені шешуі тиіс», - деді Ахметжан Пірімқұлов.

Еске сала кетсек, бұған дейін Ахметжан Пірімқұлов желтоқсан айында Парламентке енгізілетін жаңа экологиялық кодекс жобасы қолданыстағы заңнамаға бірқатар өзгеріс енгізуді көздейтінін хабарлаған еді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT