Министрлік коронавирус бойынша бір тәуліктегі мәліметтерді айтты

АСТАНА. ҚазАқпарат – 24 қазан күнгі бір тәулікте ел өңірлерінде коронавирус 17 адамнан анықталды, деп хабарлайды ҚазАқпарат Денсаулық сақтау министрлігіне сілтеме жасап.

25 қазандағы мәлімет бойынша, коронавирустан 910 адам емделіп жатыр, оның ішінде коронавирус инфекциясынан 749 (КВИ+), коронавирус пневмониясынан 161 (КВИ-) адам ем қабылдауда.

97 пациент стационарда жатса, 813 науқас амбулаториялық деңгейде ем алуда.

КВИ+, КВИ- шалдыққандардың арасында:

- 2 адамның жағдайы ауыр,

- 4 пациенттің жағдайы өте ауыр,

- 2 науқас өкпені жасанды желдету аппаратына қосылған.

Министрлік дерегіне сәйкес, коронавирусқа қарсы вакцинаның I компонентін 10 841 936 адам, II компонентін 10 602 870 адам салдырды. Ревакцинациядан өтті – 5 599 079 азамат.