+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Министрдің болашақ педагогтармен кездесуінде саладағы түйткілді мәселелер қозғалды

2020 жылғы 29 қаңтар 17:42
Бөлісіңіз:
Министрдің болашақ педагогтармен кездесуінде саладағы түйткілді мәселелер қозғалды

НҰР-СҰЛТАН. ҚазАқпарат - Бүгін ҚР Білім және ғылым министрі Асхат Аймағамбетов Алматыда студенттермен кездесті. Бұл туралы Қазақ ұлттық қыздар педагогикалық университетінің баспасөз қызметінен мәлім етті, деп хабарлайды ҚазАқпарат тілшісі.

Ұқсас жаңалықтар
Білім министрлігі «Астана» университетін сотқа берді Майра Мелдебекова ҚР БҒМ Мектепке дейінгі және орта білім комитетінің төрағасы болды Қазақстанда жоғары оқу орындары оқытушыларының жалақысы өседі

Абай атындағы Қазақ ұлттық педагогикалық университетінде өткен басқосуға болашақ педагог мамандар қатысты. Атап айтқанда, министр Әл-Фараби атындағы Қазақ ұлттық университеті, Қазақ ұлттық қыздар педагогикалық университеті, Абай атындағы Қазақ ұлттық педагогикалық университеті мен Абылай хан атындағы Қазақ халықаралық қатынастар және әлем тілдері университетінің студенттерімен саладағы түйткілді тақырыптар төңірегінде әңгіме өрбітті.

«Жақында білім беру саласы бойынша екі маңызды құжат қабылданды. Олар: 2020-2025 жылдарға арналған білім мен ғылымды дамытудың жаңа мемлекеттік бағдарламасы мен «Педагог мәртебесі туралы» Заң. Бұл құжаттар педагогикалық қызметкерлердің жұмыс жағдайын жақсарту мен білім сапасын арттыруға бағытталған. Сонымен қатар аттестаттаудың жаңа форматының қорытындысы бойынша 156 мыңнан астам педагогке біліктілік санаты берілді. Бұл өз кезегінде мұғалімдерге 30-дан 50 пайызға дейін қосымша ақы төлеуге мүмкіндік берді«, – деп атап өтті министр.

Сондай-ақ еліміздің бас педагогы балаларды маңызды ақпаратты дұрыс таңдауға және білімді тәжірибеде қолдануға үйрететін жаңартылған мазмұндағы оқу бағдарламаларының артықшылықтарын түсіндірді.

Кездесуде «Жаңа заң өскелең ұрақ тәрбиесіне араласатын педагог мамандар үшін қандай мүмкіндіктер береді?», «Алдағы уақытта еліміздегі білімнің сапасы арта ма, жергілікті жерлерде мектептер жетіспеушілігі шешіліп, материалдық базасы жаңара ма, алыс аймақтарға педагог мамандар бара ала ма?» сынды сұрақтар қаузалды.

Сонымен қатар ведомство басшысы білім саласын жақсартуға бағытталған кешенді жұмыстар жайында да атап өтті. Еркін диалогқа құрылған жиын барысында студенттер өздерін толғандырған сұрақтарға жауап алып, ұсыныстарын білдірді.

Сауалдардың басым бөлігі жоғары оқу орындары мен мектептердегі зертханалардың заманауи талаптарға сай келмеуімен, жекелеген пәндерді оқытуда кездесетін қиындықтар мен оқулықтар сапасы, дәстүрлі білім беру мен дуалды оқыту жүйесіндегі мәселелерді қамтиды.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT