Валюта бағамдары:
    usd/kzt 477.98 eur/kzt 488.93

    rub/kzt 7.93 cny/kzt 70.82
Ауа райы:
Нұр-Сұлтан: 1 °С
Алматы: 15 °С

Министр жол жөндеу жұмыстары қалай жүріп жатқанын өзі аралап қайтты

2022 жылғы 3 маусым 11:35

НҰР-СҰЛТАН. ҚазАқпарат - Индустрия және инфрақұрылымдық даму министрі Қайырбек Өскенбаев Оралдан Атырауға дейін көлікпен жүріп өтіп, жолдағы құрылыс жұмыстарының жай-күйімен егжей-тегжейлі танысуды жоспарлап отыр. Ведомство басшысы бұл туралы әлеуметтік желідегі парақшасында жазды, деп хабарлайды ҚазАқпарат.

«Негізгі мақсатым – өңірдегі республикалық маңызы бар жолдардағы жөндеу жұмыстарын қадағалау. Алдағы екі күнде Оралдан Атырауға дейін көлікпен жүріп өтіп, жолдағы құрылыс жұмыстарының жай-күйімен егжей-тегжейлі танысуды жоспарлап отырмын. Негізінде, жұмыс орнында отырып, мәселені сырттай бақылап, тапсырма беру - бір басқа. «Жүз рет естігенше, бір рет көр» демекші, жұмыстар жүргізіліп жатқан жерге келіп, өз көзіңмен көру - бөлек», – деп жазды Қайырбек Өскенбаев.

Министр Орал – Казталовка ауылы, Казталовка – Жәнібек – РФ шекарасы, Өнеге – Бисен – Сайқын, Хан Ордасы ауылы – Құрманғазы ауылы (Ганюшкино), Атырау – Астрахань бағыты бойынша жүріп өтпек.

Ведомство басшысы қазір Батыс Қазақстан облысындағы «Казталовка – Жәнібек – РФ шекарасы» және «Өнеге – Бисен – Сайқын» автожолдарында, яғни жалпы ұзындығы 248 шақырым болатын нысанда күрделі жөндеу жұмыстары жүріп жатқандығына тоқталады. Мұның 55 шақырымы пайдалануға берілгенін атап өткен.

Бұған дейін хабарланғанындай, БҚО-да жол жөндеу жұмыстарына 15 млрд теңге бөлінген.



Новости по теме
Ұқсас жаңалықтар