Микроавтобус пен трактор соқтығысып, 13 жасар бала қаза тапты

АСТАНА. ҚазАқпарат - Бүгін Беларусьте микроавтобус пен трактордың соқтығысуынан 13 жасар баланың өмірі қиылды. Бұл жайлы БЕЛТА хабарлайды.

Брест облыстық атқару комитеті ішкі істер басқармасының мәлімдеуінше, жазатайым оқиға таңғы 7:00 шамасында Каменецкий ауданындағы Мартынюка елді мекенінің маңында болған.

Алдын ала мәліметтерге қарағанда, «Рено Мастер» автомобилі «Амкодор» маркалы жүк тиегішіне соқтыққан. Жол апаты салдарынан алдыңғы орындықта отырған 2005 жылы туған жолаушы -Украина азаматы қаза тапты.

Қазір тиісті органдар оқиғаның мән-жайын тексеріп жатыр.