Валюта бағамдары:
    usd/kzt 462.04 eur/kzt 504.09

    rub/kzt 6.74 cny/kzt 68.12
Ауа райы:
Астана-10-12℃
  Jańalyqtar  >

Михаил Кукушкин Италиядағы турнирдің финалына шықты

2022 жылғы 27 қараша, 02:12

АСТАНА. ҚазАқпарат – Қазақстандық, әлемнің 223-ракеткасы Михаил Кукушкин Италиядағы Андрия турнирінің финалына шықты, деп хабарлайды ҚазАқпарат тілшісі.

Қазақстандық теннисші жартылай финалда әлемнің 98-інші, осы жарыстың 1-ракеткасы, мажарстандық Мартон Фучовичпен шеберлік байқасты.

Михаил Кукушкин қарсыласын 6:4, 6:4 есебімен тізе бүктірді.

Бір сағат 18 минутқа созылған матчта Кукушкин эйс жасамағанымен, 11 брейк-пойнттың төртеуін пайдаланды. М.Фучович 2 эйс, 2 брейкпен көзге түсті.

М.Кукушкин финалда әлемнің 197-ракеткасы, швейцариялық Леонардо Рейдимен бас жүлдені сарапқа салады.

Өз спорттық жолында қазақстандық теннисші жекелей сында 14 рет челленджер жарыстарының жеңімпазы атанды. Соңғы рет Михаил 2018 жылы Ирвингте (АҚШ) үздік шықты.

Еске сала кетейік, бұдан бұрын Михаил Кукушкиннің Италиядағы жарыстың жартылай финалына өткенін жазған болатынбыз.


Фото: ktf.kz

Автор:

Ғайсағали Сейтақ

Новости по теме
Ұқсас жаңалықтар
Серіктестер жаңалықтары