Михаил Кукушкин Чикаго турнирінің екінші айналымына өтті

НҰР-СҰЛТАН. ҚазАқпарат – Қазақстандық Михаил Кукушкин Чикаго (АҚШ) челленджер турнирінің екінші айналымына өтті, деп хабарлайды ҚазАқпарат тілшісі.

Қазақстан теннис федерациясынан мәлім еткеніндей, М. Кукушкин бастапқы кездесуін америкалық Говинда Нандамен өткізді. Қазақстандық теннисші екі сағаттан астам уақытқа созылған тартысты бәсекеде 3:6, 6:4, 6:3 есебімен жеңіске жетті.

М. Кукушкин ширек финалға шығу үшін хорватиялық Борн Гойомен таласады. Ол әлемнің 102-ші, жарыстың 1-ракеткасы, швейцариялық Хенри Лааксоненді 3:6, 7:6 (7:5), 6:4 есебімен ұтып кетті.

Тағы бір қазақстандық Дмитрий Попко Чикагода америкалық Бен Шелтонға жол берді – 0:6, 6:7 (5:7).

Тимофей Скатов Сан-Марино челленджер жарысында италиялық Александр Вайстан ұтылып қалды – 3:6, 1:6.

Торонто мастерс додасында Юлия Путинцева жұптық сында америкалық София Кенинмен бірге алғашқы айналымда мажарстандық Анна Бондарь – бельгиялық Кимберли Циммерманнан басым түсті – 7:6 (12:10), 7:5.

Еске сала кетейік, бұдан бұрын Елена Рыбакинаның Торонто жарысын жеңіспен бастағанын, Юлия Путинцеваның екінші айналымға шыққанын жазған болатынбыз.

Сондай-ақ, қазақстандық теннисшілер Өскемен жарысын сәтті өткізіп жатыр.

Фото: sport.kz