Мейрамбек Беспаев пен басқа да жұлдыздар шығысқазақстандықтармен футбол ойнайды

АСТАНА. ҚазАқпарат - 10 қыркүйек күні Өскемендегі Шығыс стадионында қазақстандық шоу-бизнес жұлдыздары Қала күніне арналған жолдастық матч өткізеді. Олардың қарсыласы Шығыс Қазақстан облысы әкімдігінің командасы болмақ.

Бұл туралы танымал әнші Қайрат Нұртастың фан-клубының Инстаграмдағы парақшасында хабарланған. Өнер жұлдыздары құрамасында Мейрамбек Беспаев, Қайрат Нұртас, Айқын, Жұбаныш Жексенұлы сынды әншілер мен «Нұр-Мұкасан», «Rin'Go», «Mysterions», «Перцы» тобы және басқа да сахна жұлдыздары бақ сынайды. Жолдастық кездесу жергілікті уақыт бойынша сағат 18.00-де басталады. Матчтан кейін отандық эстрада жұлдыздарының қатысуымен концерт өтеді.