«MetaGo-мен криптовалюталық табыс»: Өңірлерде қаржы пирамидасын ұйымдастырушылар ұсталды
«Жезқазған, Алматы және Астана қалаларының 4 тұрғыны «MetaGo» жобасы бойынша криптовалютаға инвестиция тарту желеуімен Жезқазған қаласының аумағында қаржы пирамидасын ұйымдастырды деген күдікке ілінді.
Алдын ала мәлімет бойынша, олар 600-ден астам адам және 124 миллион теңгеден астам салымшылар қаражатты тартқан.
Аталған тұлғаларды прокуратураның үйлестіруімен және ҚМА-ның талдау бөлімшелерінің әрекеттесуімен агенттіктің Ұлытау облысы бойынша департаментінің қызметкерлері анықтады.
Қазіргі уақытта сотқа дейінгі тергеп-тексеру жүргізіліп жатыр. ҚР Қылмыстық-процессуалдық кодексінің 201-бабының тәртібінде өзге ақпарат жария етуге жатпайды», - делінген хабарламада.
Қаржылық мониторингі агенттігі еске салып өткендей, Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабының 1-бөлігіне сәйкес, сот үкімі заңды күшіне енгенге дейін күдікті кінәсіз болып есептеледі.